Kotasælubollur

Hráefni 

• 75 g brætt smjör
• 4 dl nýmjólk
• 1 bréf þurrger (12 g bréfið)
• 1 msk hunang
• 10 gr ólífuolía
• 1 tsk salt
• 400 g kotasæla
• Ca 900 gr hveiti

Aðferð:

1. Bræðið smjör í potti á meðalhita, bætið síðan mjólkinni og hunanginu saman við og
   hrærið saman.
2. Þegar blandan er volg, er þurrgerinu blandað saman við og hrært vel saman við. Látið standa í nokkrar mínutur.
3. Hellið blöndunni í hrærivélaskál ásamt saltinu, olíunni, kotasælunni og 820 gr. hveiti.
4. Hnoðið deigið í hrærivélinni í um það bil 10 mínútur. (Það tekur aðeins lengri
   tíma að gera það í höndunum).
5. Færið deigið yfir í hreina skál og leggið viskastykki yfir skálina. Leyfið
   deiginu að hefast í ca. klukkustund eða þar deigið hefur tvöfaldast að
   stærð.
6. Hitið ofninn í 200°C (blástur).
7. Hnoðið deigið í höndunum upp úr uþb 80 gr hveiti.
8. Skiptið deiginu niður í jafn stóra bita og mótið bollurnar, 18 stk.
9. Leggið bollurnar á pappírsklædda ofnplötu, 9 á hverri plötu.
10. Penslið bollurnar með eggi. Hægt að setja fræ eða ost yfir.
11. Bakið við 200°C í 17 mínútur.

—

Beyglur:

Hægt er að gera beyglur úr sama deigi en þá nást 16 stk úr einni uppskrift.

Hægt að setja 6 beyglur á eina bökunarplötu.

Bakið jafn lengi og bollurnar.