Ekta súkkulaðimús
Hér er ég búin að fullkomna uppáhalds súkkulaðimúsina mína og ákvað ég að dreyfa uppskriftinni með ykkur.
Uppskriftin er fyrir 8-10 manns.
60 gr smjör
3 msk sykur
450 gr Konsúm suðusúkkulaði
6 egg
550 ml rjómi
2 tsk vanilludropar
Súkkulaðispænir ofan á og þeyttur rjómi með.
Bræðið smjör og súkkulaði saman við vægan hita í potti. Slökkvið undir og blandið við eggjarauðum við súkkulaðið. Þeytið rjómann og bætið súkkulaðiblöndinni samanvið, í 3-4 pörtum og blandið rólega saman við með sleikju. Stífþeytið eggjahvíturnar og bætið sykrinum smátt saman við. Hrærið eggjahvítunum varlega saman við súkkulaðiblönduna og bætið vanilludropunum út í og hrærið rólega í blöndunni. Hellið í stóra skál eða nokkrar litlar skálar eða glös.
Stór skál þarf að geymast amk 4 klst áður en borin er fram, en það ætti að duga 3 klst fyrir minni glös.
Berið fram með þeyttum rjóma.
Gaman að skreyta með smá rjóma og strá súkkulaðispæni yfir til þess að gera músina flotta.