Mexíkóskur kjúklingaréttur
Á föstudaginn bauð ég góðri vinkonu í mat. Þá datt mér í hug að gera rétt sem ég hef ekki gert lengi, mexókóskan kjúklingarétt. Einfaldur og fljótlegur undirbúningur.
Þessi réttur er ekki sterkur, en hægt er að gera hann sterkari með því að hafa hot salsa, og hafa hlutföllin þannig að það sé meiri salsa heldur en ostasósa og sýrður rjómi.
Mexíkóskur kjúklingaréttur – uppskrift:
4 kjúklingabringur
1/2 poki taco krydd
1/2 krukka ostasósa
1/2 sýrður rjómi
1-1,5 krukka af meðalsterku salsa
Nachos
Rifinn ostur
Meðlæti:
Hrísgrjón og afgangur af nachos.
Hitið ofninn á 180°C blástur. Skerið kjúklinginn niður í bita, sirka 2-3 munnbitar hvert. Steikið á pönnu, setjið kryddið yfir kjúklinginn og steikið bitana alveg í gegn. Gott er að hafa pönnuna ekki alveg á fullum hita, heldur láta kjúklinginn steikjast hægar til að hann verði mjúkur.
Setjið kjúklinginn í eldfast mót og dreifið sósunum (salsa, ostasósu og sýrðum rjóma) ofan á kjúklinginn.
Þekjið mótið með nachos, og dreifið rifnum osti yfir. Setjið matinn í ofninn og eldið þar til osturinn er gullinn, c.a. 20-30 mínútur.
Berið fram með hrísgrjónum og nachos. Eflaust er gott að hafa ferskt salat með.