Ítölsku kjötbollurnar hans Kristjáns

Einn uppáhaldsrétturinn sem maðurinn minn gerir er ítalskar kjötbollur. Finnst mér því tilvalið að þessi uppskrift sé sú fyrsta sem ég birti hér. Á næstunni mun ég verða duglegri að koma með mataruppkriftir, sem og aðrar bloggfærslur.

Fylgist með færslum með því að skrá netfangið ykkar hér neðst á síðunni til hægri með því að smella á „Follow“ og skráið netfangið ykkar.

Ítalskar kjötbollur & spaghetti uppskrift:

400 gr. nautahakk
1/2 hvítur laukur
2 hvítlauksrif
1 egg (einnig er nóg að setja 1 egg í tvöfalda uppskrift)
Parmessan ostur, eftir smekk
1 msk. ferskt oregano
1 msk. fersk basilikka
Salt og pipar eftir smekk
Spaghetti
1/2 Classico pasta sósa (Fæst í Kosti), eða önnur sambærileg pastasósa

Einnig mæli ég með að hafa hvítlauksbrauð með þessum rétti.

Við kaupum 100% nautahakk, beint frá býli. Mæli með því að nálgast sem hreinasta nautakjöt í þetta þar sem blandað hakk skilar ekki sama bragði í þennan rétt.

Skerið laukinn smátt niður, pressið hvítlaukinn, saxið kryddjurtirnar og rífið parmessan ostinn. Setijð nautahakkið, laukinn, hvítlaukinn, kryddjurtirnar, eggið og ostinn saman í skál og kryddið eftir smekk. Blandið saman í höndunum.

Hér er ráðlagt að byrja að hita vatn í stórum potti og setja spaghettíið útí þegar vatnið sýður. Búið til bollur og steikið nánast í gegn, athugið að þið gætuð þurft að lækka undir til þess að þær brenni ekki.

Ekki láta magnið á myndinni blekkja, þetta er tvöföld uppskrift.

Ef þið eruð með djúpa pönnu þá er upplagt að nota hana og hella sósunni út á pönnuna þegar að kjötbollurnar eru orðnar eldaðar í gegn. Látið malla á vægum hita þar til sósan er heit. Ég sjálf setti sósuna og bollurnar í pott og lét þær malla þar.

Njótið vel.